SEO

SEO (Search Engine Optimization) საძიებო სისტემისთვის ოპტიმიზაცია არის პროცესი, რომლის მიზანია ვებსაიტის ხილვადობის გაუმჯობესება საძიებო სისტემის შედეგებში, ანუ ვებსაიტის რეიტინგის ამაღლება.

საძებო სისტემების ქროულერები (crawler) ათვალიერებენ ვებსგვერდებს, გადადიან ერთი გვერდის ბმულიდან მეორეზე. ვებგვერდებზე მიღებული ინფორმაციით კი აფასებენ ვებგვერდის რეიტინგს, რაც უფრო მეტია რეიტინგი, მით უფრო მაღლა გამოჩნდება ვებსაიტი საძიებო შედეგების სიაში.

შეფასების და დამატების პროცესს ეწოდება ინდექსაცია.

როგორ ფასდება ვებგვერდი?

ქროულერი ვებგვერდს აფასებს 3 კრიტერიუმის მიხედვით:

ტექნიკური: როგორ არის სემანტიკური თეგები გამოყენებული. ქროულერებმა არ იციან, ვიზუალური შედეგიდან გამომდინარე, როგორ შეაფასონ ვებგვერდი, ამიტომ ისინი ეყრდნობიან HTML-ის თეგებს. მათთვის მნიშვნელოვანი არ არის, ელემებტებს რა კლასი და სტილები ექნება მინიჭებული, არამედ მნიშვნელოვანია, თუ რა ატრიბუტები და კონტენტია მასში.
ქოპირაითინგი: ვებგვერდზე არსებული კონტენტის შეფასება, რომელიც წარმოდგენილია ტექსტებითა და სურათებით.
პოპულარობა: რამდენი დრო გაატარა მომხმარებელმა ვებგვერდზე და რომელი პოპულარული საიტი აქვეყნებს თქვენი გვერდის ბმულებს.

მეტა თეგი

მეტა თეგები გამოიყენება HTML დოკუმენტის მთავარ ნაწილში (head) და ის ეხმარება ბრაუზერებს, საძიებო სისტემებსა და სოციალურ პლატფორმებს, უკეთ გაიგონ ვებსაიტის შიგთავსის შესახებ. მეტა თეგები არ გამოჩნდება უშუალოდ ვებსაიტის ვიზუალურ ნაწილში, მაგრამ ისინი მნიშვნელოვან როლს ასრულებენ.

HTML-ში გვაქვს შემდეგი მეტა თეგები:

ატრიბუტი	ტიპი	აღწერა
`charset`	`charset`	განსაზღვრავს გვერდის ენკოდირებას (სტანდარტულად UTF-8 გამოიყენება).
`title`	`name`	საიტის სათაური, რომელიც საძიებო სისტემის შედეგებში ჩანს ან საიტის პრევიუში (preview).
`description`	`name`	საიტის მოკლე აღწერა, რომელიც საძიებო სისტემის შედეგებში ჩანს ან საიტის პრევიუში.
`image`	`name`	გამოიყენება სოციალური ქსელებისთვის სურათის გამოსაჩენად.
`keywords`	`name`	საკვანძო სიტყვები, რომელიც ეხმარება საძიებო სისტემებს თემის გარჩევაში.
`author`	`name`	საიტის ავტორი.
`viewport`	`name`	განსაზღვრავს გვერდის შესაბამისობას მობილურ მოწყობილობებთან, უფრო დეტალურად გაეცანით სტატიას.
`robots`	`name`	ეუბნება საძიებო სისტემებს, როგორ იმოქმედონ: დააინდექსონ თუ არა გვერდი.
`refresh`	`http-equiv`	ავტომატურად განაახლოს ან გადაამისამართოს გვერდი.
`og:title`	`property`	Open Graph თეგი - გამოიყენება სოციალური ქსელებისთვის სათაურის გამოსაჩენად (მაგ. Facebook, LinkedIn, Reddit).
`og:description`	`property`	Open Graph თეგი - გამოიყენება სოციალური ქსელებისთვის აღწერის გამოსაჩენად..
`og:image`	`property`	Open Graph თეგი - გამოიყენება სოციალური ქსელებისთვის სურათის გამოსაჩენად.
`og:type`	`property`	Open Graph თეგი - განსაზღვრავს გვერდის ტიპს.
`og:url`	`property`	Open Graph თეგი - URL ბმული იმ გვერდის, რომელიც გაზიარებისას უნდა გამოჩნდეს. აუცილებელია იყოს ზუსტი და საბოლოო ბმული.
`twitter:card`	`property`	გამოიყენება twitter (X)-ისთვის. განსაზღვრავს როგორ უნდა გამოაჩინოს Twitter/X პლატფორმამ გაზიარებული ბმული.
`twitter:url`	`property`	იგივე `og:url`, ოღონდ twitter-ისთვის.
`twitter:title`	`property`	იგივე `og:title`, ოღონდ twitter-ისთვის.
`twitter:description`	`property`	იგივე `og:description`, ოღონდ twitter-ისთვის.
`twitter:image`	`property`	იგივე `og:image`, ოღონდ twitter-ისთვის.

არ არის სავალდებულო, თანმიმდევრობა იყოს ცხრილის შესაბამისი თუმცა წასაკითხად ჯობია კონკრეტული თანმიმდევრობით დაალაგოთ.

მაგალითად:

HTML

<head>
  <meta name="viewport" content="width=device-width, initial-scale=1" />
  <meta name="title" content="SEO • Html-css | Iswavle" />
  <meta name="description" content="რა არის SEO?" />
  <meta name="keywords" content="iswavle, educata, ისწავლე, ისწავლე ვები, html, css, ჰტმლ, ცსს, სტილიზაციები, SEO, საძიებო სისტემისთვის ოპტიმიზაცია, როგორ ფასდება ვებგვერდი?, მეტა თეგი" />
  <meta name="image" content="https://iswavle.com/assets/images/html-css.png" />
  <meta property="og:title" content="SEO • Html-css | Iswavle" />
  <meta property="og:type" content="website" />
  <meta property="og:url" content="https://iswavle.com/" />
  <meta property="og:description" content="რა არის SEO?" />
  <meta property="og:image" content="https://iswavle.com/assets/images/html-css.png" />
  <meta property="twitter:card" content="summary_large_image" />
  <meta property="twitter:url" content="https://iswavle.com/" />
  <meta property="twitter:title" content="SEO • Html-css | Iswavle" />
  <meta property="twitter:description" content="რა არის SEO?" />
  <meta property="twitter:image" content="https://iswavle.com/assets/images/html-css.png" />
</head>

თუ ბრაუზერში გახსნით ინსპექტს და დაათვალიერებთ head-ის თეგებს, ნახავთ როგორ იყენებს iswavle მეტა თეგებს.

მეტა თეგების გენერატორი

მეტა თეგების დასაგენერირებლად შეგიძლიათ გამოიყენოთ, metatags.io.

შეჯამება

ამ სტატიაში განვიხილეთ, რა არის SEO და რომელი მეტათეგების გამოყენება შეგვიძლია SEO-ს გასაუმჯობესებლად. ეს თეგები თითქმის ყველა ვებსაიტს გააჩნია და კანსაკუთრებით მნიშვნელოვანია ისეთი საიტებისთვის, რომლებსაც სტუმრების მიზიდვა სჭირდებათ.